Trupi gjykues ndaj ish-krerëve të UÇK-së që po gjykohen në Dhomat e Specializuara në Hagë ka vendosur që Rexhep Selimit t’i vazhdohet paraburgimi.
Trupi gjykues konstatoi se vazhdon të ekzistojë rreziku që i pandehuri Rexhep Selimi të pengojë ecurinë e procesit ose të kryejë vepra penale të tjera kundër atyre që konsiderohen se janë kundër Ushtrisë Çlirimtare të Kosovës.
“Aty përfshihen dëshmitarët që kanë dhënë dëshmi, mund të japin dëshmi në këtë çështje gjyqësore ose që pritet të paraqiten në gjykatë”, thuhet në vendimin e Hages.
Pas vazhdimit të paraburgimit për Rexhep Selimin, Dhomat e Specializuara të Kosovës në Hagë i ka dhënë të njëjtën masë edhe Jakup Krasniqit. Sipas vendimit, ndaj tij është kërkuar vazhdimi i masës së paraburgimit, pasi nuk ekziston ndonjë ndryshim i rrethanave që nga vendimi i kaluar.
Kjo ndërsa mbrojtja e Krasniqit ka kërkuar lirimin e tij duke pohuar se tani tri vjet pas paraburgimit të tij fillestar, çdo rrezik i mbetur dhe i identifikuar nga paneli është i pamjaftueshëm për të justifikuar vazhdimin e paraburgimit.
LEXONI GJITHASHTU:
- Thaçi telefonon nga Haga familjen e Afrim Bunajkut për t’u shprehur ngushëllimet
- Nxënësi i shkroi Letër, Rexhep Selimi befason nga Haga
