Hakerat publikojnë të dhënat e Muhamet Rrumbullakut dhe të nëndrejtorit të SHISH

Hakerat iranianë kanë publikuar të dhënat e Drejtorit të Përgjithshëm të Policisë së Shtetit, Muhamet Rrumbullaku.

Po ashtu faqja Homland justice, ka publikuar dhe të dhënat të nëndrejtorit të ri të SHISH Oljan Kanushi.

Ata kanë publikuar edhe hyrje-daljet e kreut të Policisë së Shtetit, si dhe të Kanushit.

Më herët hakerat iranianë kanë publikuar emrat e drejtuesve dhe shefave të sektorëve në Shërbimin Informativ Shtetëror (SHISH).

Po ashtu ata publikuan dhe të dhënat e ish-drejtorit të Policisë së Shtetit Gledis Nano dhe të kryeministrit Edi Rama.

Që prej vitit 2021, Shqipëria ka rënë pre e sulmeve kibernetike. Një sulm kibernetik u shënua më 15 korrik të këtij viti, që bllokoi të gjitha faqet zyrtare shtetërore dhe platformën e shërbimeve online e-Albania.

Ndërkohë, më 14 shtator u sulmua sistemi TIMS në të gjitha pikat kufitare të vendit. Për këto sulme Shqipëria ka fajësuar Iranin dhe ka ndërprerë marrëdhëniet diplomatike me këtë shtet.

LEXONI GJITHASHTU: 

• Hakerat publikojnë “targat e makinave të shqiptarëve”
• Hakerohet telefoni i Truss? Gazeta britanike: Rusët vodhën mesazhet e një viti