Ministrat e Jashtëm të BE mund të bojkotojnë samitin që pritet të organizohet në fund të muajit gusht në Hungari.
Ky veprim vjen si pasojë e politikave të pakoordinuara me Unionin, referuar takimeve të Orban me presidentin Putin dhe atë kinez.
Media amerikane Politico shkruan se në kuadër të Presidencës, Budapesti planifikon të organizojë samitin e Ministrave të Jashtëm të BE në datat 28-29 gusht.
Aksionet e fundit të Orban me vizitat e tij të Paqes në Ukrainë, Kinë dhe Rusi pa u koordinuar me 26 vendet anëtare të Bashkimit Europian ka ngjallur shumë reagime dhe kritika në union. Liderët europianë besojnë se çdo gjë është një propagandë dhe një shoë i Viktor Orban.
Një nga diplomatët tha se duke bojkotuar takimin e Budapestit, ministrat e jashtëm duan të dërgojnë një sinjal të qartë se Hungaria nuk mund të flasë në emër të BE-së.
LEXONI GJITHASHTU:
- Zelensky akuzon Viktor Orban për tradhti ndaj Evropës në takimin e liderëve
- “Më e lehtë me miqtë”- Vuçiç ndan foton me Ramën dhe Orban nga samiti në Britani