Forcat ruse kanë sulmuar me raketa dhe dronë infrastrukturën energjetike në pesë rajone të Ukrainës. Megjithëse mbrojtja ajrore ukrainase rrëzoi shumicën e raketave dhe dronëve rusë, sulmet kanë shkaktuar ndërprerje të energjisë dhe dëme në termocentrale.

Deri më tani, Rusia nuk ka komentuar sulmet.

Forcat ruse kanë intensifikuar bombardimet ndaj infrastrukturës së energjisë në Ukrainë, duke shkaktuar mungesë energjie dhe importe rekord të elektricitetit.

DTEK, kompania më e madhe private energjetike në Ukrainë, raportoi se dy termocentralet e tyre janë goditur dhe pajisjet janë pothuajse jashtë funksionit.

Autoritetet rajonale raportuan se zjarrfikësit po shuajnë zjarre në disa vende pas sulmeve, megjithatë nuk ka raporte të menjëhershme për viktima.

Sulmet vijnë pasi Shtetet e Bashkuara kanë lehtësuar rregullat për përdorimin e armëve amerikane në territorin rus.