Hamilton kujton vjedhjen e titullit 3 vite më parë

Hamilton kthehet pas në kohë dhe thotë se i dhemb ende titulli i “vjedhur” në vitin 2021, kur Max Verstappen u shpall Kampion i Botës në rrethana të çuditshme.

Gjatë garës së fundit në Abu Dhabi, Hamilton po kryesonte ndaj Verstappen, por një sërë eventesh, përfshi një dalje jokorrekte nga “safety car” lejuan Drejtorin e Garës, Michael Masi (që më pas u shkarkua) ti jepte të drejtë hollandezit të parakalonte britanikun në xhiron e fundit. “A ndihem i vjedhur? Natyrisht,” – iu përgjigj Hamilton pyetjes nga “GQ” këtë javë. “Ju e dini historinë”-vazhdoi ai.

Por anglezi sot është i qetë pasi i mjaftoi që në atë moment kishte mbështetjen e babait të tij me të cilin ka kaluar të gjitha oshilacionet e karrierës dhe jetës. Lewis vlerëson që në ditën më të keqe të karrierës, babai i tij ishte atje duke e suportuar të largohej me kokën lart nga cirkuiti.

LEXONI GJITHASHTU:

• Të huajt “pushtojnë” Vlorën/ Moti me diell bëri që turistët të lahen në det
• Meta prezanton 5 prioritetet e PL për 10 vitet e ardhshme dhe objektivin 20 vjeçar