Hapet ambasada e Shqipërisë në Bosnjë Hercegovinë, qeveria miraton vendimin

Qeveria e Republikës së Shqipërisë ka vendosur hapjen e misionit diplomatik në Bosnjë Hercegovinë.

Në vendimin e Këshillit të Ministrave të bërë publik këtë të premte, thueht se me propozim të ministrit të për Evropën dhe Punët e Jashtme, Igrli Hasani, është miratuar hapja e ambasadës së Shqipërisë në Sarajevë.

Financimi i hapjesë së këtij misioni diplomatik pritet të bëhet nga Ministria e Jashtme, sipas buxhetit që është miratuar për vitin 2024 për këtë sektor.

VENDIM PËR HAPJEN E MISIONIT DIPLOMATIK TË REPUBLIKËS  SË SHQIPËRISË NË BOSNJË DHE HERCEGOVINË

Në mbështetje të nenit 100 të Kushtetutës dhe të pikës 1, të nenit 21, të ligjit nr.23/2015, “Për shërbimin e jashtëm të Republikës së Shqipërisë”, me propozimin e ministrit për Evropën dhe Punët e Jashtme, Këshilli i Ministrave

V E N D O S I:

1. Hapjen e misionit diplomatik “Ambasadë” të Republikës së Shqipërisë në kryeqytetin e Bosnjë dhe Hercegovinës, Sarajevë.
2. Për hapjen e këtij misioni diplomatik, shpenzimet përballohen nga buxheti i Ministrisë për Evropën dhe Punët e Jashtme, miratuar për vitin 2024.
3. Ngarkohet Ministria për Evropën dhe Punët e Jashtme për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

LEXONI GJITHASHTU:

• “Duhet qasje e re për rajonin”, Rama nga Bosnja: Së shpejti do hapet ambasada e re
• Rihapet ambasada saudite në Iran pas shtatë vjetëve