Hapet për publikun Teatri i Universitetit të Arteve/ Rama: Tjetër hapësirë krenarie
Teatri i Universitetit të Arteve u hap mbrëmjen e të premtes për publikun. Kjo përmbylli projektin e restaurimit të thellë dhe kthimit në identitet të krejt pjesës së korpusit të klasifikuar si monument i trashëgimisë kulturore, ku është punuar, në bashkëpunim me restauratorët e Universitetit të Firences, e ku salla e teatrit ishte pjesa më e çmuar e më sfiduese për ekipet e përfshira në projekt.
“Një tjetër hapësirë krenarie europiane iu shtua Tiranës kulturore, kryeqytetit të Europës së Ballkanit, e cila po hedh shtat dita- ditës si mishërim i ambicies dhe punës sonë të përbashkët drejt majës së re të Shqipëria 2030”, shkruan kryeministri Rama në Facebook. Ai ishte i pranishëm edhe ceremoninë e hapjes së teatrit të universitetit të Arteve ku tha se ndiente kënaqësi që i kthente diçka, sado pak këtij vendi që atij i ka dhënë shumë.
“Sot kjo sallë i vihet në dispozicion atyre që kanë misionin t’u përcjellin të tjerëve eksperiencën e tyre dhe atyre qëq vijnë me misionin për të krijuar eksperiencën e re dhe të gjithë bashjkë të mbajnë gjallë pasionin e këtij vendi, atë krijues e komunikues.
Kjo sallë sot plotëson një nevojë të shumë e shumë viteve, për të qenë edhe vetë po aq rrezatuese dhe mbresëlënëse, sa gjithë ato talente që nga kjo sallë shkojnë në majat e botës, që e nisën nga kjo sallë e kanë mahnitur miliona spektatorë në botë.
Duke shprehur mirënjohjen për gjithçka, unë personalisht mora nga energjia e kësaj salle, që më pas shpërndahet nga ata që hyjne te shumë të tjerë që i takojnë ata që dalin. Mu dha kënaqësia që ti kthej këtij vendi shumë pak, por sidoqoftë diçka, në krahasim me ato që ky vend më dha”,-tha kryeministri Rama.
LEXONI GJITHASHTU:
Nga Gjermania në Korçë, turistët mësojnë hapat e valleve shqiptare
“Qiell i hapur, mendje të hapura, rikthehet DEA Open Air, 40 filma nga 25 vende në garë
Komedia “Sonte do darkojmë në shtrat” ngjitet në skenën e teatrit në Gjirokastër
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta