Hapte llogari në facebook me të dhënat e personave të tjerë, arrestohet 31-vjeçari

Një 31-vjeçar në fshatin Shijon të Elbasanit, është arrestuar nga policia pasi kishte hapur 8 llogari false në rrjete sociale, me të dhëna të shtetasve të tjerë.

Nga veprimet hetimore rezultoi se 31-vjeçari, gjatë periudhës tetor 2022-shtator 2023, në kundërshtim me ligjin, ka hapur llogaritë në rrjete sociale duke përdorur identitetet e shtatsve të tjerë.

Gjatë kontrollit në banesën e shtetasit A. T., Policia sekuestroi me cilësinë e provës materiale, 2 celularë nëpërmjet të cilëve ky shtetas menaxhonte llogaritë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

“Specialistët e Drejtorisë për Hetimin e Krimit Kibernetik, të Drejtorisë së Përgjithshme të Policisë së Shtetit, në bashkëpunim me ata të Seksionit për Hetimin e Krimit Kibernetik, të Drejtorisë Vendore të Policisë Elbasan, në vijim të një procedimi penal, të iniciuar në Prokurorinë e Elbasanit, për një rast të veprës penale “Falsifikimi kompjuterik”, finalizuan operacionin policor të koduar ”Kredencialet”.

Si rezultat i këtij operacioni u kap dhe u vu në pranga shtetasi A. T., 31 vjeç, banues në fshatin Shijon, Elbasan”, njofton policia.

LEXONI GJITHASHTU:

• Aksident në Tiranë, makina përplas për vdekje kalimtaren
• Sherri me Rrajat, Prokuroria vendos kryerjen e riekspertimit mjekësor për Majat
• Një grua gjendet pa shenja jete në tarracën e banesës në Tiranë, dyshimet e para