Aksident në Tiranë, makina përplas për vdekje kalimtaren

Një aksident me vdekje ka ndodhur këtë të mërkurë në rrugën “Konferenca e Pezës”, në Tiranë. Bëhet me dije se një 39-vjeçar, teksa drejtonte mjetin e tij në këtë aks të kryeqytetit, ka aksidentuar një grua të moshës 61-vjeçe.

Gruaja ka pësuar dëmtime të rënda dhe është dërguar me urgjencë për të marrë kujdesin e nevojshëm mjekësor në spital.

Për fat të keq 61-vjeçarja nuk ka mundur dot t’i mbijetojë plagëve të marra dhe ka ndërruar jetë në spital.

Policia ka bërë të mundur arrestimin e drejtuesit të mjetit ndërkohë që vijojnë hetimet për zbardhjen e ploa të rrethanave të aksidentit.

“A. S., 39 vjeç, banues në Tiranë, pasi në rrugën “Konferenca e Pezës”, duke drejtuar automjetin, ka aksidentuar shtetasen L. N., 61 vjeçe, e cila është dëmtuar dhe ka ndërruar jetë më pas, në spital”, njofton policia.

LEXONI GJITHASHTU:

• Sherri me Rrajat, Prokuroria vendos kryerjen e riekspertimit mjekësor për Majat
• Një grua gjendet pa shenja jete në tarracën e banesës në Tiranë, dyshimet e para