Hargreaves viziton qendrat e votimit në Drenas: Përdornin të drejtën e votës

Ambasadori britanik në Kosovë, Jonathan Hargreaves ka vizituar disa qendra votimi në komunën e Drenasit për të parë procesin zgjedhor. Hargreaves gjatë kësaj të dielë ka vizituar edhe disa qendra votimesh në veri të Kosovës.

Ai tha se janë të lumtur që po shohin qytetarët duke e përdorur të drejtën e tyre të votës, ndërsa iu bëri thirrje të gjithëve që të dalin e të zgjedhin përfaqësuesit e tyre nëpër komuna në orët e mbetura të procesit të votimit.

“Ndalesa jonë e radhës ishte në Drenas, të lumtur që më shumë njerëz po dalin për të votuar pasdite. Shpresoj që të gjithë kosovarët do ta përdorin të drejtën e tyre për të votuar dhe për të zgjedhur përfaqësuesit e tyre lokalë komunalë,” u shpreh ai.

Hargreaves më herët tha se ka vizituar disa qendra të votimit në Mitrovicë të Veriut dhe në Zveçan.