Princi Harry ka fituar çështjen kundër tabloidit Daily Mirror për hakimin e celularit të tij. Vendimi është bërë i ditur gjatë fundjavës. Harry do të marrë kompensim prej gati 165,000 eurosh për 15 nga 33 artikujt e gazetës të cilat u denoncuan në gjyq.
Gjykatësi i Gjykatës së Lartë vendosi se kjo lloj praktike kishte qenë “e përhapur dhe e zakonshme” në gazetat e Mirror Group për shumë vite. Detektivët privatë “ishin pjesë përbërëse e sistemit” të mbledhjes së paligjshme të informacionit. Gjykatësi tha se drejtuesit e gazetave ishin në dijeni të praktikës dhe e mbuluan atë.
Kjo është e para nga disa procese gjyqësore që djali më i vogël i mbretit Charles III ka nisur kundër tabloidëve britanikë.
LEXONI GJITHASHTU:
- SHBA parlajmëron Korenë e Veriut: Merrni fund, nëse kryeni sulm bërthamor
- Ish-avokati i Trump dënohet me gjobën marramendëse nga gjykata