Harta dhe vendet që sulmoi SHBA-ja në Venezuelë

Forcat amerikane të shtunën nisën sulme ndaj një porti, dy aeroporteve dhe një kompleksi infrastrukture ushtarake, si pjesë e operacionit për të kapur presidentin e Venezuelës, Nicolas Maduron dhe gruan e tij.

Sulmet ndodhën në jug dhe lindje të kryeqytetit Karakas dhe në Fuerte Tiuna, kompleksin e madh ushtarak në qytet, ku ndodhen Ministria e Mbrojtjes dhe Akademia Ushtarake.

Shpërthime të tjera u dëgjuan pranë kompleksit aeronautik “Carlota” në Karakasin lindor. Shpërthime u raportuan gjithashtu në perëndim të vendit, në La Guaira ku gjendet aeroporti dhe porti ndërkombëtar i Karakasit.

Gjithashtu sulme pati në Maracay dhe në Higuerote. Mediat huaja si New York Times dhe CNN publikuan harta nga sulmet përkatëse të regjistruara.