Akademia për Shkencë dhe Art e Shqiptarëve në RMV ka ndërmarrë një iniciativë që nobelistit serb, Ivo Andriç t’i merret Çmimi Nobel për Letërsi.
Drejtuesit e saj i kanë dërguar një letër Akademisë së Nobelit në Suedi ku i paraqesin këtë kërkesë të tyre.
“Çmimi Nobel nuk u takon njerëzve, të cilët si shkrimtarë kanë përkrahur dhe përgatitur plane për shpërngulje dhe gjenocid”, thuhet në të.
Hasan Jashari, kreu i Akademisë për Shkencë dhe Art e Shqiptarëve në RMV tha në një intervistë për Euronews Albania se Serbia ka pasur një politikë shtetërore antishqiptare që nga viti 1349 dhe vazhdon që sot e kësaj dite.
“Faktet historike tregojnë kush nxit konflikte etnike mes serbëve dhe shqiptarëve. Ivo Andriç ka bërë raportin dhe në bazë të tij në 1938 bëhet traktatit jugosllavo-turk për shpërnguljen e shqiptarëve në Turqi dhe mijëra njerëz shtypen, u merret toka. Është raporti i tij shkaktari. Kërkesa për heqjen e Nobelit është dërguar në gjuhën angleze në seksionin për letërsi”, tha Jashari.
LEXONI GJITHASHTU:
