Analisti Baton Haxhiu thotë se platforma e prezantuar nga kryetari i Grupit Parlamentar të Partisë Demokratike Enkelejd Alibeaj, nuk duhet të përjashtojë ish-kryeministrin Sali Berisha.
Në emisionin “Shock” në Euronews Albania”, Haxhiu u shpreh se Berisha, ndonëse është e keqja e PD-së, duhet konsumuar nga brenda dhe duhet të provojë zgjedhjet lokale të vitit 2023.
“Nuk mundet të ndërtohet një platformë kundër një njeriu, pra në këtë rast kundër Sali Berishës. Ky njeri duhet të konsumohet duke qenë në krye dhe të shohë vështirësinë e funksionimit. Duhet t’i provojë zgjedhjet lokale të ardhshme dhe ta shijojë humbjen apo fitoren. Nuk mundet që në betejën që ka bërë, ta dënosh duke mos e bërë pjesë të PD”, tha Haxhiu.
Sipas tij, Berisha nuk largohet me veprime mekanike por duhet t’i mbushet mendja elektoratit që ai nuk duhet të jetë në krye, teksa shtoi se ish-kryeministri po sillet si autokrat me zhvillimin e zgjedhjeve në degët e PD-së.
Ndërsa, analisti Andi Bushati u shpreh se platforma e Alibeajt, kërkon të bëjë bashkimin e demokratëve mbi funeralin e Sali Berishës, për shkak se është shpallur “non grata” nga SHBA.
“Po të shikosh thelbin e platformës së Alibeajt, ajo është të bëjë një pajtohemi mbi funeralin e Berishës. Berishën ta lëmë jashtë si një viktimë të amerikanëve dhe në të tjerët të pajtohemi të gjithë”, deklaroi Bushati.
LEXONI GJITHASHTU
