150 denoncime për dhunë seksuale online, bullizëm dhe nxitje të gjuhës së urrejtjes janë adresuar në platformën isigurt.al përgjatë vitit 2022.
E ndërsa këto fenomene ndodhin thuajse çdo ditë, dhunuesit nuk ndëshkohen, pasi ligji nuk ekziston.
Altin Hazizaj, drejtor i CRCA në një intervistë për Euronews Albania ngriti alarmin për përhapjen e fenomenit të bullizmit mes fëmijëve dhe adoleshentëve në Shqipëri.
Kjo sipas tij, tregon një qasje të re ana e vetë fëmijëve në internet, nga rezulton se në vitin 2022 fëmijët janë viktima të fëmijëve.
“Çështja e bullizmit asnjëherë nuk ka qenë e raportuar në këto nivele, gjuha dhe urrejtja dhe bullizmi ka ardhur në rritje. Kemi një qasje të re ana e vetë fëmijëve në internet, në vitin 2022 fëmijët janë viktima të fëmijëve. Ai buillizmi që ndodh në klasë është bullizëm që fillon në klasë dhe vazhdon online. Ata s’e kuptojnë rëndësinë që ka shpërndarja e materialeve e të ndryshme në rrjetet sociale, por po u hodh një video online ajo nuk fshihet më dhe mund të publikohet kudo duke e përndjekur gjithë jetën”, tha Hazizaj.
LEXONI GJITHASHTU:
- Psikologia shpjegon çfarë është bullizmi kibernetik
- Franca kërkon dënimin me burg për bullizmin në shkolla
