Aktivisti Altin Hazizaj deklaroi se shumë fëmijë shqiptarë dërgohen të pashoqëruar drejt Britanisë së Madhe.
Në emisionin “Review” në Euronews Albania, Hazizaj bëri të ditur se një pjesë e madhe e fëmijëve janë gjendur duke punuar në lavazhet që shqiptarët kanë në Britaninë e Madhe.
Ndër të tjera, aktivisti nënvizoi se këta fëmijë trajtohen në kushte tepër të vështira.
“Ka një numër thuajse të lartë të fëmijëve që shkojnë të pashoqëruar në Britani, raportohen afërsisht 200 fëmijë nga Shqipëria. Me mjete nga më të ndryshme, një pjesë e tyre shkojnë me gomone. Qëllimi është që t’i gjejnë një jetë më të mirë, përgjithësisht kujdesen të afërmit e tyre. Çfarë ne dimë nga partnerët tanë, është që pjesa më e madhe e fëmijëve shqiptarë, kemi padijeni për ta, pra, e ka marrë dikush fëmijën nga kampi.
Pastaj kemi një grup të dytë të fëmijëve shqiptarë të cilët hyjnë në atë që quhet rregulli skllavërisë. Për gjatë gjithë territorit të Britanisë, pikat e lavazheve, të larjes së makinave, kontrollohen nga shqiptarët. Aty janë gjetur një numër i lartë fëmijësh që mbahen në kushte skllavëruese, përdoren vetëm për të larë makinat”, theksoi ai.
LEXONI GJITHASHTU
- Gazetari: Nuk mendoj se shqiptarët kontrollojnë shtëpitë e barit në Britani të Madhe
- Emigranti në Londër: Kam shumë frikë që do na kthejnë sërish në Shqipëri
- “Ëndrra angleze”, rrëfimi i emigrantit shqiptar: Si udhëtova 12 orë me gomone
