Helmimi i vajzave në 52 shkolla të Iranit, qeveria akuzon median për panik

Ministri i Brendshëm i Iranit, Ahmad Vahidi, njoftoi se helmimi i nxënëseve, asnjëra prej të cilave nuk ka humbur jetën, është regjistruar në të paktën 52 shkolla në vend.

Ministri i bëri thirrje publikut për paqe dhe qetësi dhe akuzoi “terrorizmin mediatik armiqësor” për përhapjen e panikut për këtë rast, njoftoi agjencia shtetërore iraniane IRNA.

Agjencia AP vëren se presidenti iranian Ibrahim Raisi njoftoi nisjen e hetimeve të mërkurën, vetëm pasi rasti i helmimit të nxënëseve iraniane mori vëmendjen e mediave ndërkombëtare.

Sipas BBC, deri më tani në Iran janë regjistruar të paktën 650 raste të helmimit të nxënëseve, nga të cilat, për fat të mirë, asnjë nuk ka vdekur.

Media shtetërore spekulon se grupet e opozitës në mërgim ose fuqi të huaja qëndrojnë prapa këtyre rasteve të helmimit, të cilat filluan nëntorin e kaluar në qytetin e Qom, një vend i shenjtë për myslimanët shiitë, sipas AP.

LEXONI GJITHASHTU:

• Protesta në Iran hyjnë në javën e gjashtë, studentët përballen me goditje ushtarake
• Protesta në Iran, forcat e sigurisë hyjnë në universitetin e Teheranit