Hëna gjigante brenda muzeut

“Muzeu i Hënës” i artistit, Luke Jerram është një model tre-dimensional i Hënës së vërtetë, me një diametër rreth shtatë metra. Ajo përmban një imazh të detajuar të NASA-s mbi sipërfaqen hënore, dhe  një anije hapësinore robotike e NASA-s që aktualisht rrethon hënën. Çdo centimetër që rrethon hënën artistike përfaqëson 5 km të sipërfaqes së Hënës.

Megjithëse struktura  të jep përshtypjen e një sfere të ngurtë  që rri në ajër në murin e katedrales, vepra e artit është në të vërtetë një balonë e mbushur me ajër dhe që brenda ka një burim drite.
Gjatë historisë, Hëna ka frymëzuar artistë, poetë, shkencëtarë, shkrimtarë dhe muzikantë. Ndërsa vetëm njëra anë e Hënës është gjithmonë përballë Tokës, ana e largët u pa vetëm për herë të parë nga shkencëtarët në 1959.

“Muzeu i Hënës” ofron një mundësi për vizitorët që të studiojnë nga afër   këtë anë të largët të Hënës çdo krater, apo  lugina që përsëriten në detaje.

Çdo person që e ka parë një vepër të tillë është përkulur para saj  shprehen zyrtarët e muzeut.  Një mundësi e mirë edhe për fëmijët e pasionuar pas trupave qiellore. Ata shprehen se nuk e kanë parë kurrë kaq afër hënën. Nuk mungojnë fotot e panumërta. Për vizitorët është diçka e mrekullueshme.

Të tjera evente nga “Muzeu i Hënës” janë planifikuar këtë vit në Zelandën e Re, Australi, Kanada, Austri dhe ShBA, si dhe në Mbretërinë e Bashkuar.