Heqja e simboleve komuniste, Filipi: Përplasja e doktrinave vetëm shkatërron

Restaurimi i mozaikut “Shqipëria”, që gjendet në qendër të Tiranës, ka rikthyer debatin lidhur me largimin e simboleve të periudhës komuniste nga veprat artistike.

Artisti Aleksandër Filipi i ftuar në emisionin “Review” në Euronews Albania, teksa foli për heqjen e simboleve komuniste theksoi se nuk mund të pranohet një vepër që ka dinamikë, ndërsa shtoi se përplasja e doktrinave të ndryshme nuk sjellë rezultat por vetëm shkatërron.

“Sot ne flasim në kontekste totalisht të tjera. Nuk mund të pranosh një vepër që ka dinamikë. Ne përballemi me njëri-tjetrin nëpër ekspozita nga më të ndryshmet. Përplasja e të gjitha doktrinave nuk sjellë ndonjë rezultat, vetëm shkatërron”- tha ai.

Por, punimet nuk kanë prekur në tërësi veprën. Kjo për shkak se më 1993, përmes një vendimi të Qeverisë së atëhershme të Aleksandër Meksit, dhe dekretit të presidentit Sali Berisha, nga kjo vepër ishte hequr ylli i madh që gjendej pas personazheve, ylli me flamur të kuq si dhe një libër që mbante në duar një prek personazheve, e që ishte një prej veprave të diktatorit shqiptar, Enver Hoxha.

LEXONI GJITHASHTU: 

• QUINT: Kosova të mos ndërmarrë masa të reja për hyrje me forcë në ndërtesat komunale
• Filipi i zhgënjyer: Nuk e vendosim ne hiqet apo vihet ylli jemi thjeshtë autorë