Seanca e fundit për Presidentin. Haxhiu: Presim dhe disa minuta opozitën para se të shkojmë në zgjedhje
Kryetarja e Kuvendit, Albulena Haxhiu, në nisjen e seancës së orës 23:00 për zgjedhjen e presidentit ka thënë se edhe në minutat e fundit po presin nëse deputetët e opozitës do të hyjnë në sallë.
Opozita nuk mori pjesë në seanca dhe orari perfundimatar është në orën 00:00
“Po presim nëse deputetët e opozitës do të vijnë, t’i lënë anash barrikadimet. Kjo është arsyeja pse në vazhdimësi kam bërë thirrje që deputetët e opozitës të vijnë këtu”, ka thënë Haxhiu.
Ajo tha se kanë mbetur edhe pak minuta para se vendi të shkojë sërish në zgjedhje..
Gjatë ditës së sotme, seanca nisi fillimisht në orën 10:00, por u shty tri herë radhazi (për në 14:00, 19:00 dhe së fundi në 23:00) me arsyetimin e pritjes së deputetëve të opozitës.
Lëvizja Vetëvendosje ka propozuar për presidente Feride Rushitin dhe Hatixhe Hoxhën.
Në votimin e parë Rushiti mori 63 vota në raundin e parë, ndërsa Hoxha asnjë votë, duke mos arritur kuorumin e nevojshëm.
Në një lëvizje të minutës së fundit gjatë pasdites, kryeministri Albin Kurti i ofroi opozitës LDK-së 15 firma nga LVV-ja për të propozuar një kandidat të tyre, në mënyrë që të krijohet një garë reale. Ai bëri të ditur se Hatixhe Hoxha është e gatshme të tërhiqet për t’i lënë vend kandidatit të LDK-së.
Opozita e cilësoi këtë lëvizje si mashtrim dhe Refuzoi ofertën e Kurtit, duke u shprehur se kjo është tentativë për t’ia mundësuar kandidates së VV-së zgjedhjen dhe për “kapjen e shtetit”.
Arian Tahiri i PDK-së akuzoi Kurtin për “prodhim dramash” dhe shkelje të rendit kushtetues, duke e quajtur procesin joserioz.
Besnik Tahiri dhe Bekë Berisha nga radhët e AAK në opozitë deklaruan se nuk do të bëhen pjesë e “komplotit” dhe “manipulimit politik”, duke theksuar se zgjidhja do të ishte kandidati i tyre, Ramush Haradinaj, i cili nuk u përkrah.
Kjo është tentativa e fundit e pushtetit për të bindur deputetët e opozitës, veçanërisht ata të LDK-së, që të qëndrojnë në sallë për të siguruar kuorumin e nevojshëm.
Pa praninë e 80 deputetëve në sallë, votimi nuk mund të konsiderohet i vlefshëm. Mundësitë për gjetjen e konsensusit janë deri në orën 00:00.
KQZ në Kosovë përmbyll rinumërimin e 185 vendvotimeve, pritet certifikimi i rezultateve
FBK me strategji për basketbollin 3×3 drejt “Prishtina 2030”
Përleshje fizike në Prishtinë, plagosen 2 persona. Dyshohet se është përdorur edhe një armë
- 22:26 Komisioni Europian miraton planin e rimëkëmbjes së Hungarisë, hapet rruga për fondet e BE-së
- 22:17 A do të prodhojë protesta një parti? Qiraxhi tregon çfarë ndodh nëse arrihet në këtë pikë
- 22:11 Irani përfshin Gazën në axhendën e paqes, zyrtarë: Teherani po punon për paqe në të gjitha frontet rajonale
- 22:10 Kikia rreshton arritjen e protestës: Është një lëvizje shoqërore
- 22:07 Trump: Kuba dëshiron dialog me SHBA-në, Rubio është i angazhuar drejtpërdrejt në këtë proces
- 22:00 Aleksandër Çipa: Shqiptarët dolën pronarë të detit dhe dallgës, me 4000 hektarë…