Hetim shpërthimeve në Rumani, shkak dyshohet një cigare e hedhur nga pakujdesia

Prokurorët në Rumani kanë hapur një hetim lidhur me dy shpërthimet që ndodhën në një stacion për grumbullimin e gazit të lëngshëm në veri të Bukureshtit, që lanë 2 të vdekur dhe 56 të plagosur.

Edhe dëmet materiale kanë qenë të mëdha.

Shumica e të lënduarve ishin zjarrfikës që mbërritën në stacionin në komunën Çrevedia për të shuar zjarrin e shkaktuar nga shpërthimi i parë, përpara se të ndodhte i dyti në orët e vona të së shtunës.

Persona të shumtë janë në gjendje kritike për shkak të djegieve të pësuara.

Zjarri nisi në momentin kur gazi po transferohej nga një cisternë në një tjetër dhe spekulohet se një cigare e ndezur mund të jetë hedhur pakujdesisht.

Ndërsa shumë njerëz u vendosën në radhë për të dhuruar gjak, presidenti i Rumanisë, Klaus Johanis e cilësoi ngjarjen një “tragjedi” dhe tha se ishte “thellësisht i trishtuar” për atë që kishte ndodhur.

LEXONI GJITHASHTU:

• Rritet numri i viktimave nga shpërthimi në Rumani
• VIDEO| Shpërthimi i pikës së karburantit në Bukuresht, ku vdiqën 2 persona