Hetimet për pronat e ushtrisë, Xhaçka në listën e zyrtarëve që do pyeten në SPAK

Euronews Albania ka zbuluar dy paditë në SPAK, për të cilat u mor në pyetje këtë të enjte, në cilësinë e ish-shefit të Shtabit të Përgjithshëm, deputeti aktual i Partisë Socialiste, Bardhyl Kollçaku.

Njëra padi është për shpërdorim detyre në lidhje me dhënien me qera të gjithë bazës detare të Limionit Sarandë, duke mos lënë asnjë asnjë metër katror për Forcën Detare.

Ndërkohë që padia e dytë është për bazën detare të Shëngjinit, ku është ndërtuar brenda pronës që ndodhet në planin e vendosjes dhe të përhapjes të Forcës Detare. Veprim I cili është i ndaluar në legjislacion.

Gazetari i Euronews Eni Ferhati, bëri me dije se pjesë e listës së funksionarëve të lartë që pritet të merren në pyetje nga SPAK, në lidhje me privatizimin e pronave të ushtrisë është dhe ish-ministrja e Mbrojtjes Olta Xhaçka.

“Zonja Xhaçka është pjesë e listës që do të pyeten në kuadër të këtij hetimi, Nuk dihet ende nëse zona Xhaçka do të thirret për t’u pyetur ditën e sotme, apo do të thirret një ditë tjetër.

Ky hetim ka të bëjë me procedurat që janë ndjekur për kalimin e pronve të ushtrisë për zhvillim dhe ndërtim nga subjekte të caktuara private”, tha gazetari.

LEXO GJITHASHTU:

• “Pronat e ushtrisë”- Gazetari zbulon çështjen që po pyetet Kollçaku në SPAK
• Sekuestrohen 150 mijë euro dhe 164 735 paund në Portin e Durrësit
• Deputeti i Partisë Socialiste paraqitet në SPAK