Hillary Clinton ironizon Putinin për zgjerimin e NATO-s: Shumë keq, Vladimir!

Ish-sekretarja amerikane e shtetit, Hillary Clinton, talli të martën armikun e saj të vjetër, presidentin rus Vladimir Putin, për zgjerimin e NATO-s që nga pushtimi i tij në Ukrainë.

“Shumë keq, Vladimir. E ke sjellë vetë”, tha Clinton ndërsa kthehej në Departamentin e Shtetit për zbulimin e portretit të saj zyrtar.

“Ishte një pikë e tillë mosmarrëveshjeje. Dhe ne gjithmonë kemi thënë, njerëzit nuk janë të detyruar të anëtarësohen në NATO, njerëzit zgjedhin dhe duan të anëtarësohen në NATO”, tha ajo.

Finlanda dhe Suedia kërkuan të bashkoheshin me NATO-n pas pushtimit të Ukrainës nga Rusia në shkurt të vitit 2022, e cila kishte kërkuar pa sukses t’i bashkohej aleancës perëndimore, anëtarët e së cilës zotohen të mbrojnë njëri-tjetrin nëse sulmohen.

Putin ka përmendur flirtin e Ukrainës me NATO-n si një arsye për pushtimin, i cili është pritur me mbështetje të fortë perëndimore për Kievin, duke përfshirë miliarda dollarë armë.

Clinton mori detyrën në vitin 2009 si kryediplomate në administratën e Barack Obamës dhe u përpoq shpejt të “rivendos” marrëdhëniet me Rusinë, e cila ishte dëmtuar nga sulmi i Moskës vitin e kaluar ndaj një tjetër ish-republike sovjetike, Gjeorgjisë.

LEXONI GJITHASHTU:

• Putin ultimatum ministrit të Mbrojtjes: Ndalni kundërofensivën deri në tetor
• Erdogan: Nuk pajtohem me “qasjen negative” të liderëve tjerë ndaj Putinit