Blendi Himçi ishte këtë të hënë i ftuar në “Now me Erla Mëhillin” në Euronews Albania ku tha se primaret e mbajtura në Partinë Demokratike nuk janë domosdoshmërisht treguesi final i pozicionit të emrave të kandidatëve për deputet në fletën e votimit për zgjedhjet e 11 majit.
Sipas tij, primaret vlejnë si një tregues orientues, ndërsa listoi edhe një sërë kriteresh të tjera që do të merren parasysh nga kryesia e Partisë Demokratike për pozicionimin e emrave në listë.
“Jo gjithmonë primaret janë produkti përfundimtar. Ka një seri kriteresh të tjera ku do të shikohet pjesa e reputacionit, e pritshmërisë që kemi në qytet apo në qarkun e Elbasanit, pjesa e impenjimit politik. Primaret janë pjesa kryesore orientuese. Mund të mos jesh te lista e mbyllur, por do jesh te pjesa e hapur”,-tha Himçi.
LEXONI GJITHASHTU:
- Regjistrohet në KQZ koalicioni LZHK-Djathtas 1912, ja kush do e drejtojë
- Mërtiri: Në primare fituan mbështetësit e Berishës, u bënë pazare
