Hipi mbi trotuar me makinë, policia ndëshkon shoferin “rebel”

Një qytetar u gjobit me 40 mijë lekë nga policia pasi mbi normat e lejuara drejtonte mjetin në trotuar.

Videoja u publikua në rrjetet sociale dhe menjëherë u bë identifikimi i shoferit. Ngjarja ka ndodhur në Pogradec, konkretisht në rrugën “10 Dëshmorët e Pojskës”.

Nga verifikimet e kryera ka rezultuar se aktualisht automjeti nuk posedohet nga shtetasi D. S, por nga një shtetas tjetër.

“Menjëherë pas publikimit të një videoje në rrjetet sociale, në të cilën shfaqet një drejtues automjeti që leviz me shpejtësi tej normave të lejuara, në trotuar, në zonë të banuar, në Pogradec, konkretisht në rrugën “10 Dëshmorët e Pojskës”, shërbimet e Sektorit të Policisë Rrugore të DVP Korçë kanë bërë të mundur identifikimin dhe ndëshkimin e drejtuesit të automjetit që shfaqej në video, shtetasit D. S.

Për kundërvajtjen e kryer, konkretisht për shkelje të nenit 139, pika 3 dhe 8 të Kodit Rrugor, në bazë të ligjit nr. 8378, datë 22.07.1998, ndaj shtetasit D. S. u vendos masa administrative 40 000 lekë të rinj”, thuhet në njoftimin e policisë.

LEXONI GJITHASHTU:

• Arrestohet 19-vjeçari i armatosur, shoku i tij i rrezikon jetën policëve
• Shpërndanin heroinë në Fier, 1 i arrestuar, 1 në kërkim