Historiani: Avni Rustemi krijoi një organizatë terroriste, frymëzues për të vrarë…

Historiani Erald Kapri tha në emisionin Now në Euronees Albania se disa figura historike janë ngritur në piedestal edhe pse veprimtaria e tyre ka qenë e diskutueshme.

Kapri solli në vëmendje Avni Rustemin, i cili sipas tij pasi u përdor nga qeveria për të vrarë Esad Pashën, erdhi në Shqipëri dhe krijoi një organizatë politike terroristë, që si mjet kishte edhe vrasjen e njerëzve.

“Figura të diskutueshme historike janë ngritur në piedestal, Avni Rustemi për shembull. Ka një moment të veçantë, u përdor nga qeveria e Tiranës e ’20-ës iku dhe vrau Esat Pashën në Paris, është e diskutueshme duhet ta bënte apo jo. Vjen këtu dhe krijon një organizatë e cila ishte një organizatë terroristë politike që si mjet kishte edh vrasjen e njerëzve, ishte frymëzuesi për ta vrarë Ahmet Zogun i pari, ishte një person që terrorizmin politik e kishte pjesë të ideologjisë së vet. Ky person është i diskutueshëm, nuk mund të ngremë në piedestal figura të tilla”, tha Kapri.

LEXONI GJITHASHTU:

• Flamuri shqiptar drejt rekordit Guiness! Projekti që nderon shqiptarët
• “Koncerte hipokrite”, Erald Kapri: Ja pse erdhi Albin Kurti në Vlorë