Hodhën fishekzjarre për ditëlindje në mesnatë, policia ndalon në flagrancë 3 persona

Tre persona janë kapur në flagrancë në Tiranë pasi kanë kanë shpërthyer fishekzjarre në mesnatë në zona të ndryshme të kryeqytetit.

Policia ndërmorri një aksion pasi kishte raportime se qytetarë dhe subjekte të ndryshme private, kryesisht në orët e mesnatës në evente të ndryshme dhe festimeve familjare, kanë shpërthyer fishekzjarre, duke cënuar sigurinë dhe duke u bërë shqetësim në qytet.

“Gjatë mesnatës në një aksion nga policia janë kapur në flagrancë 3 shtetas duke hedhur fishekzjarre në vende të ndryshme, konkretisht:

– Në rrugën “Arkitek Sinani”, është konstatuar shtetasi M. Xh.;

– Në rrugën “Omer Nishani”, është konstatuar shtetasi B. K.;

– Në rrugën ”Spiro Cipi” është konstatuar shtetasi A. V..

Lëndët piroteknike janë sekuestruar në cilësinë e provës materiale, dhe për të tre rastet e mësipërme janë kryer veprimet procedurale dhe materialet i kanë kaluar Prokuorisë Pranë Gjykatës së Shkallës së Parë të Juridiksionit të Përgjithshëm Tiranë, për veprat penale “Prishja e qetësisë publike” dhe “Shkelja e rregullave mbi përdorimin e lëndëve plasëse”, parashikuar nga nenet 282 dhe 274 të Kodit Pena”,-thuhet në njoftimin e policisë.

LEXONI GJITHASHTU:

• Mali i Zi arreston ish-kryeprokurorin special
• I gjetën fara kanabisi në makinë dhe banesë, arrestohet 32-vjeçari në Shkodër