Një 16-vjeçar është proceduar në gjendje të lirë, ndërsa 30-vjeçari G.A është shpallur në kërkim nga policia, për shkak të trazirave që ndodhen në protestën e djeshme të opozitës, që u mbajt para godinës së Kuvendit.

Sipas njoftimit të policisë, këta persona kanë hedhur lëndë piroteknike (flakadanë dhe kapsolla) në drejtim të shërbimeve të Policisë në detyrë.

Si pasojë e këtyre veprimeve, janë dëmtuar 2 punonjës policie, të cilët ndodhen jashtë rrezikut për jetën.

Protesta e djeshme e PD, u zhvillua pas asaj të mbajtur më 11 shkurt, e thirrur nga kryedemokrati Sali Berisha, ku në të mori pjesë edhe kreu i Partisë së Lirisë, Ilir Meta.

Berisha kërkon dorëheqjen e kryeministrit Edi Rama pas publikimit të skandalit me ish-zyrtarin e FBI-së, Charles McGonigal.

LEXONI GJITHASHTU

• Berisha: Të enjten sërish protestë para Kuvendit
• Përfundon protesta, Berisha nga selia e PD-së: Beteja do të vazhdojë
• Video intime e McGonigal me ministrat, Berisha: Do hetoj 10 herë më shumë