Holanda: Jemi dakord që Kosovës t’i liberalizohen vizat

Trendi pozitiv i Raportit të Progresit të KE-së për Kosovën për vitin 2022, ka bërë që Holanda të bjerë dakord që Kosovës t’i liberalizohen vizat.

Ministria e Punëve të Jashtme, ka thënë se në Kosovë kanë parë progres në luftën kundër korrupsionit, teksa e kanë përgëzuar qeverinë edhe për progresin në fushën e reformave, raporton Klan Kosova.

Më tej thuhet se ky progres i Kosovës duhet të vazhdojë dhe se qeveria holandeze do të monitorojë progresin në këtë drejtim.

Kujtojmë se Holanda ishte njëra nga shtetet më skeptike për liberalizimin e vizave për Kosovën.

LEXONI GJITHASHTU:

• Holanda do të furnizojë Ukrainën me tanke dhe armë
• Detaje nga sulmi në veri të Kosovës, dëshmitari: Serbët na goditën