Homazhe në Durrës për policin e Kosovës të vrarë nga serbët

Një grup të rinjsh, pjesë e Tifozëve Kuq e Zi, anëtarë të partive politike opozitare dhe shoqërisë civile, ndezën qirinj dhe përcollën mesazhe në nderim të policit të rënë në krye të detyrës, Afrim Bunjaku.

“Lavdi heroit Afrim Bunjaku”, “Gjaku s’falet”  ishin disa nga mesazhet e shkruara në pankartat që mbanin pjesëmarrësit, të cilët vlerësuan sakrificën e policit të vrarë në krye të detyrës, për të mbrojtur sovranitetin e Kosovës.

“Jemi mbledhur sot për t’i bërë homazhe heroit dhe për t’i thënë kujtdo që prek territorin tonë se do të marrë përgjigjen e merituar”, u shpreh një nga të rinjtë, ndërsa një tjetër i bëri thirrje shtetit shqiptar, që “të reagojë në këtë moment vendimtar”.

LEXONI GJITHASHTU:

• Lista Serbe reagon lidhur me sulmin në Veri
• Prokuroria konfirmon gjetjen e trupit të pajetë në Banjskë, gjendet sërish armatim