Homazhe në muzeun “Kadare” në Gjirokastër, banorë e turistë lënë mesazhe

Përgjatë kësaj te mërkure në muzeun “Kadare” në qytetin e Gjirokastrës kanë vazhduar aktivitetet homazh në nderimin të jetës dhe aktivitetit të gjeniut të letrave shqipe. Banorë, vizitorë vendas dhe të huaj ndërsa kanë lënë mesazhet në Librin e Ngushëllimeve duke shprehur vlerësimin për Kadarenë.

“Muzeu “Kadare” në këto ditë ka qenë në ditë zie, ka pritur homazhe për Ismail Kadarenë, prania e vizitorëve ka qenë goxha e lartë, ne kemi vënë re dhe shumë vizitorë gjirokastritë, të cilët kanë ardhur, kanë lënë mesazhet e ngushëllimit, në librin që ne kemi vendosur pranë muzeut”,-tha Bruno Pjetri, ciceron.

“Përmes Kadaresë na njohu e gjithë bota, ishte një udhërrëfyes për ne shkrimtarët ishte një kolos i madh shqiptar”,-tha një vizitore .

“Për mua është një shkrimtar i madh, veprën e tij kam nisur ta studioj rreth vitit 2020, kur dëshiroja të mësoja për Shqipërinë, ishte diçka e veçantë të shikoje si ai shkruante për historinë dhe zhvillimet në Shqipëri”,-tha turistja.

Shkrimtari Ismail Kadare kaloi fëmijërinë dhe rininë e hershme në Gjirokastër ndërsa qyteti i gurtë është një prej motiveve mbizotëruese në krijimtarinë letrare të tij.

LEXONI GJITHASHTU:

• Ekskluzive| Euronews Albania siguron mesazhet e lëna nga Rama dhe Kurti për Kadarenë
• Rama: Nën hijen e shenjtores, Kadare do ndihet i mbrojtur nga ata që s’e deshën