Houthi sulme në Detin e Kuq, rebelët e mbështetur nga Irani po godasin anijet

Rebelët Houthi në Jemen, të mbështetur nga Irani, kanë pranuar se kanë lëshuar një raketë ndaj një anije në Detin e Kuq dhe kanë kryer një sulm me dron drejt Izraelit.

Ushtria amerikane rrëzoi shumë drone dhe raketa sulmuese të lëshuara nga Houthi në Detin e Kuq të martën, tha Komanda Ushtarake e SHBA në Lindjen e Mesme.

Mjete të ndryshme ushtarake, duke përfshirë avionë, “shkatërruan 12 dronë sulmues, 3 raketa balistike të drejtuara kundër anijeve dhe 2 raketa lundrimi në jug të Detit të Kuq.

Ushtria izraelite njoftoi nga ana e saj se kishte kapur “një objektiv ajror armiqësor” që po shkonte drejt territorit të saj.

Që nga fillimi i luftës, Houthi-t kanë shtuar sulmet në Detin e Kuq kundër anijeve që kanë për destinacion Izraelin, apo dalin nga portet e tij.

Shtetet e Bashkuara kanë nisur një operacion ndërkombëtar ushtarak për të mbrojtur anijet tregtare në detin e kuq, që është edhe një nga rrugët detare më të rëndësishme në botë.

LEXONI GJITHASHTU:

• Ushtria amerikane rrëzon disa dronë të “Houthi” mbi Detin e Kuq 
• Irani kërcënon Perëndimin me bllokim të Mesdheut dhe Gjibraltarit