Humb jetën 43-vjeçari në një gurore në Dajt, u përplas me fadromë! Në pranga 56-vjeçari

Një 56-vjeçar është vënë në pranga nga policia në Tiranë. Arrestimi i tij mësohet se ka ardhur pasi dyshohet se gjatë punës në një gurore në Dajt ka përplasur me fadromë një 43-vjeçar.

Fatkeqësisht 43-vjeçari nuk iu ka mbijeturar plagëve të marra dhe ka ndërruar jetë. I arrestuari akuzohet për veprën penale “Shkelja e rregullave të mbrojtjes në punë”.

“Specialistët për Hetimin e Krimeve të Komisariatit të Policisë Nr. 4: arrestuan për veprën penale “Shkelja e rregullave të mbrojtjes në punë”, shtetasin I. Ç., 56 vjeç, pasi dyshohet se gjatë punës në një subjekt (gurore) në Dajt, ka përplasur gjatë lëvizjes mbrapsht me mjetin e punës (fadromë), shtetasin A. Xh., 43 vjeç, i cili si pasojë ka humbur jetën”, njofton policia.