Humbësit në Montreal

Pak ditë pas rinovimit të kontratës, Sergio Perez përjetoi një katastrofë që filloi me eliminimin nga sesioni i 1-rë kualifikues për të dytën garë radhazi. Të dielën pasoi incidenti me Pierre Gasly nga i cili nuk ishte në gjendje të rikthehej.

Yuki Tsunoda është në një terren të huaj por japonezi që vinte pas 4 pikëve në 5 gara gaboi në strategji pas shumë xhirove me goma të ndërmjetme. Si rrjedhojë nuk mundi të hynte në zonën e pikëve.

Williams nuk ja doli të përkthente në pikë, paraqitjen në provat zyrtare. Alex Albon dhe Logan Sargeant u përplasën në garë duke sjellë Safety Car në pistë.

Ferrari përfundoi në hije vetëm 2 javë fitores në Monaco pas një fundjave aspak karakteristike kur Leclerc u dublua në xhiron e 37’të ndërsa Sainz humbi kontrollin dhe u përplas me Albon.

Haas e nisi mirë fundjavën me Kevin Magnussen që triumfoi ndaj Nico Hulkenberg në prova por një pit stop i ngadaltë nuk e lejoi të përfundojë në top 10.