Humbi jetën nga Covid-19, mbërrin në Shqipëri trupi i pajetë i mjekut Drini Dobi

Mes lotësh dhe lulesh është pritur këtë të premte trupi i pajetë i mjekut neurolog Drini Dobi në Aeroportin “Nënë Tereza”.

Mjeku ndërroi jetë me 9 dhjetor si pasojë e Covid-19. Familjarë, miq e kolegë të pranishëm të përlotur duartrokitën në nder të neurologut më të njohur në vend.

Mes lotësh mjekët shprehën mirënjohjen për kolegun e tyre.

“Më falni! Nuk mundem, faleminderit”, u shpreh Skënder Brataj, drejtor i Qendrës Kombëtare të Urgjencës Mjekësore.

Mjeku Drini Dobi ndërroi jetë në Itali, pasi u dërgua për mjekim ne vendin fqinj duke qenë se shfaqi simptoma të rënda të Covid-19. I ndjeri Dobi u prek nga COVID-19 më 22 nëntor.

Në Shqipëri kanë humbur jetën 25 mjekë si pasojë e Covid-19.