Humbi ndjenjat në orën e fiskulturës, ndërron jetë 10-vjeçarja në Greqi

Një vajzë 10-vjeçare ka ndërruar jetë në ambientet e shkollës në Greqi pasi humbi ndjenjat gjatë orës së fiskulturës. Rrethanat dhe shkaqet ende nuk dihen. Ngjarja e rëndë ndodhi në oborrin e shkollës në Aspropyrgos.

Fëmija humbi ndjenjat ndërsa ecte në fushën e basketbollit. Sipas kartelës mjekësore të 10-vjeçares ajo nuk kishte patur më parë probleme. Ka qenë mësuesi i fiskulturës ai që e kuptoi se vajza ishte rrëzuar dhe thirri menjëherë infermieren e shkollës.

Infermierja i dha menjëherë ndihmën e parë dhe në të njëjtën kohë u thirr edhe ambulanca. Vajza më pas u transferua në spital. Mjekët u përpoqën për orë të tëra ta ringjallnin atë, por nuk patën sukses dhe konfirmuan vdekjen e saj.

Mësuesi i edukimit fizik u thirr në polici për të dhënë një deklaratë në lidhje me vdekjen e vajzës, ndërsa po zhvillohet një hetim për rrethanat e incidentit tragjik.

LEXONI GJITHASHTU:

• Trump: Vendet e tjera po e bëjnë, edhe SHBA do të rifillojë testimet bërthamore
• Përfundimi i mandatit të gjyqtares Bejtja, presidenti hap procedurat për vakancën