Hungaria mund të ndryshojë marrëveshjen e gazit me Rusinë pa u konsultuar me KE

Ministri i Jashtëm hungarez Peter Szijártó tha se Budapesti nuk do të duhet të njoftojë ose të konsultohet me Komisionin Evropian nëse dëshiron të ndryshojë kontratën e tij afatgjatë të gazit me Rusinë nëse miratohet një kufi çmimi në mbarë BE-në.

Hungaria, e cila mbështetet shumë në importet e gazit dhe naftës rus, është shprehur vazhdimisht kundër vendosjes së kufirit të çmimit të gazit rus.

“Për ne ishte e rëndësishme që brenda këtij propozimi shumë të keq, si një arritje e vogël, të kishim dorë të lirë për të ndryshuar kontratën. Domethënë të mos konsultoheshim me Komisionin Evropian për ndryshimet në kontratën afatgjatë me Rusinë nëse bëhet e nevojshme në rast të kufizimeve të çmimeve”, tha Szijroto në një konferencë shtypi në Bruksel, raporton Reuters.

Ministrat e Bashkimit Evropian u takuan sot në një përpjekje për të arritur një marrëveshje për futjen e një tavani të çmimit të gazit me shumicë. Szijártó tha javën e kaluar se, nëse kufiri i çmimit të gazit miratohet në BE, Hungaria do të duhet të rregullojë marrëveshjen e saj me Rusinë, e cila është e hapur ndaj ndryshimeve të mundshme.

Sipas një marrëveshjeje 15-vjeçare midis Budapestit dhe Moskës të nënshkruar vitin e kaluar, para pushtimit rus të Ukrainës, Hungaria aktualisht merr 4.5 miliardë metra kub gaz rus në vit nëpërmjet Bullgarisë dhe Serbisë.

LEXONI GJITHASHTU:

• Hungaria nuk përmbush reformat anti-korrupsion, BE-ja i ‘ngrin’ fondet
• Hungaria pret zhbllokimin e fondeve të BE