Hungaria voton pro anëtarësimit të Finlandës në NATO

Parlamenti i Hungarisë ratifikoi aplikimin për anëtarësim e Finlandës në NATO. Por, ende nuk është votuar për anëtarësimin e Suedisë në aleancën ushtarake. Finlanda dhe Suedia kërkuan t’i bashkohen NATO-s vitin e kaluar, në përgjigje të pushtimit rus të Ukrainës.

Por ky proces është penguar nga Turqia dhe Hungaria. Hungaria mbetet i vetmi vend anëtar i NATO-s, që përveç Turqisë, nuk ka miratuar ende aplikimin e Suedisë për t’iu bashkuar aleancës ushtarake perëndimore.

Sekretari i Përgjithshëm i NATO-s, Jens Stoltenberg, tha se i kishte kërkuar Turqisë dhe Hungarisë që të ratifikojnë të dyja kërkesat. Presidenti turk,  Erdogan, tha javën e kaluar se Turqia do të nisë procesin e ratifikimit të anëtarësimit të Finlandës në NATO, por jo  të Suedisë.

Ankaraja kundërshton pranimin e Suedisë, pasi thotë se strehon persona që i konsideron anëtarë të organizatave terroriste.

LEXONI GJITHASHTU:

• Festa e pranverës në Durrës, vlerësohen artistët që i kanë bërë jehonë qytetit
• Drejtësia e “zjarrit”, Alibeaj: Ndiq paranë dhe rrugët të çojnë te Edi Rama
• Baçi: Alibeaj i ka dyert e hapura në selinë blu, ka dhe rrobat në zyrë