Drejtësia e “zjarrit”, Alibeaj: Ndiq paranë dhe rrugët të çojnë te Edi Rama

Kryetari i komanduar i PD-së Enkelejd Alibeaj në një deklaratë për mediat ka folur në lidhje me zgjedhjet lokale të 14 majit.

Në fjalën e tij ai tha se ka zgjedhur  të mos i përgjigjet akuzave në lidhje me bashkëpunimin e tij me kreun e qeverisë Edi Rama.

Ndër të tjera ai shtoi se ai nuk mund të ngre gishtin dhe te akuzoj pa fakte konkrete nëse dikush nga foltorja është bashkëpunëtor i Edi Ramës.

“Kam zgjedhur qe mos ti përgjigjem shpifjeve të pabaza të atyre që në këto 30 vite janë puthur dhe pështyrë me çdo politikan të partisë së vet apo kundërshtar politik.

Kam zgjedhur gjithashtu të jem etik dhe mos të përdor kurrë banalitete apo epitete te shëmtuara as për kundërshtaret politikë. Kjo është mënyra qe kam zgjedhur sepse përveç akuzave të pabaza deri më sot, nuk kam parë apo lexuar një fakt që të vërtetojë se kam bashkëpunuar me Edi Ramen apo dike tjetër nga Rilindja. Kam zgjedhur te jem transparent dhe i hapur ne vend te makinacioneve te fshehta dhe pazareve qe janë kaq të dukshme ne arkivën e politikes shqiptare.

E keni pare gjate gjithë kësaj periudhë se kush ka qene agresiv ne media apo rrjete sociale? Se kush ka financuar takime te përditshme, regji qendrore, media dhe analistë për të përbaltur ata që mendojnë ndryshe në një parti politike. Mendoni se do lejonte Edi Rama që paratë derdheshin lume nëse nuk do ti interesonte e gjithë kjo tymnaje dhe sherr i panevojshëm mes demokrateve? Unë nuk mund të ngre gishtin dhe te akuzoj pa fakte konkrete nëse dikush nga foltorja është bashkëpunëtor i Edi Ramës. Por ndonjëherë ajo që thonë prokurorët “ndiq paranë” vlen dhe ne politike. Sidomos për politikën shqiptare. Ndiq paranë shih kush shton te ardhurat dhe shpenzon pa i justifikuar paratë dhe të jeni të sigurt se rrugët të çojnë tek Edi Rama”-tha ai.

LEXONI GJITHASHTU:

• Alibeaj: Edhe pas vendimit të Gjykatës selia e blu ende e zaptuar nga Berisha
• Bejko nis fushatën: Jemi alternativa jashtë qeverisë dhe opozitës së korruptuar