Bejko nis fushatën: Jemi alternativa jashtë qeverisë dhe opozitës së korruptuar

Roland Bejko falënderoi Alibeajn në një deklaratë për mediat si dhe strukturat e partisë për besimin që iu dha për të kandiduar për Bashkinë Tiranë, ndërsa tha se kjo është detyra më e rëndësishme që i është ngarkuar ndonjëherë.

Ndërsa përmendi periudhën e vështirë që po kalon Partia Demokratike, Bejko u garantoi shqiptarëve një alternativë dinjitoze jashtë qeverisë dhe opozitës së korruptuar.

“Sali Berisha nuk është i interesuar të fitojë mbi Edi Ramën se dhe nuk fiton dot. Ai është i interesuar të fitojë monopolin e opozitës në Shqipëri, duke e lënë Shqipërinë pa alternativë dhe duke na kthyer në një popull të pashpresë.

Bindja ime është se Tirana si një metropol do të zhvillohet dhe mbijetoj vetëm duke respektuar tregun e lirë, duke shmangur deformimet e konkurrencës së lirë, dhe duke orientuar investime eficente. Motoja ime është se Tirana nuk duhet të ketë investime kundër zhvillimit të saj, por një zhvillim të qartë që ka nevojë për investime,” – deklaroi Bejko.

Ai bëri thirrje për t’u bashkuar në këtë rrugëtim të vështirë të Shqipërisë, siç e cilësoi demokrati, duke theksuar se e djathta mund të përfaqësohet denjësisht vetëm duke i besuar vizionit të tij.

LEXONI GJITHASHTU:

• Spartak Ngjela: Roland Bejko nuk është propozim i dobët, Këlliçi është i panjohur
• EMRAT/ 5 deputetë të PD bojkotuan votimin për Bejkon si kandidat për Tiranën