Spartak Ngjela: Roland Bejko nuk është propozim i dobët, Këlliçi është i panjohur

Avokati Spartak Ngjela tha se kandidatura e Roland Bejkos si kandidat për Bashkinë e Tiranës, nuk është një kandidaturë e dobët. Sipas tij emri i propozuar nga grupimi i Enkelejd Alibeaj është emër i njohur për kryeqytetin por zotësia e tij do duket në fushatë.

Avokati ka shtuar se nga ana tjetër kandidati i dalë nga grupimi i Berishës, Belind Këlliçi, është i panjohur.

“Nuk është propozim i dobët, unë e njoh, por do duhet ta shikoj në fushatë. Nëse nuk di të bësh fushatë nuk e drejton dot shtetin. Është aksion, është “kushti pa të cilin”, nëse nuk je i aftë të bësh fushatë brilante nuk mund të jesh kryeministër, e as kryeministër i Tiranës.

Në raport me kryeqytetin, ai e ka të vështirë, por nuk është i panjohur. Ku është defekti i Alibeaj? Ai është i panjohur, nuk ka drejtuar fushata. Vijmë te ai që kanë nxjerrë për Tiranën, Këlliçi, i panjohur. Bejko është i njohur, por është i njohur në funksion të Epirit jo të Ilirisë”,-tha për Euronews Albania avokati Spartak Ngjela.

LEXONI GJITHASHTU:

• Presidenti austriak nga Kuvendi: Sot pasdite hapim Forumin Ekonomik
• BMW-ja e mbushur me armë gati për atentat, shtyhet paraburgimi për kunatin e Alibej