EMRAT/ 5 deputetë të PD bojkotuan votimin për Bejkon si kandidat për Tiranën

Pesë deputetë nuk kanë votuar për Roland Bejkon që të dalë kandidat për Bashkinë e Tiranës në zgjedhjet e 14 majit.

Gazetarja e Euronews Albania, Lusi Përgjegji, bën me dije se kanë bojkotuar procesin e votimit, Gazment Bardhi, Dhurata Çupi, Oriola Nebiaj, Jonila Godole dhe Jorida Tabaku.

Ndërkohë pro Bejkos kanë votuar 10 persona. Sakaq Indrit Sefa, Endri Hasa dhe Joela Hamati, kanë votuar abstenim.

Kryesia e Partisë Demokratike ka vendosur sot që Roland Bejko, njëri prej anëtarëve brenda radhëve të saj, të jetë emri si kandidat për kryetar Bashkie në Tiranë.
Në Tiranë Bejko do të jetë përballë Belind Këlliçit nga PD e Sali Berishës dhe Erion Veliajt nga PS.

Ndërkohë, mbrëmjen e djeshme PS zyrtarizoi kandidatët e saj në 61 bashki, ndërsa Sali Berisha i cili i ka nxjerrë kandidatët nga primaret, miratoi listat e kandidatëve për këshilltarë të koalicionit opozitar. Pjesën më te madhe e ka marrë Berisha, ndërkohë që vetëm 240 pozicione kanë shkuar për Metën dhe 20 pozicione për PBDNJ.

LEXONI GJITHASHTU: 

• “Pse Bejko është më i mirë se Këlliçi?”, debat mes gazetares dhe avokatit të PD-së
• Qëllohet me armë zjarri drejt një makine në Rrëshen, në kërkim babë e bir