Hyn në fuqi ndalimi i mediave sociale, fëmijëve australianë u bllokohen profilet

Fëmijët në Australi u zgjuan të mërkurën pa qasje në llogaritë e tyre në mediat sociale pas vendimit të hartuar për t’i mbrojtur ata nga algoritmet që shkaktojnë varësi dhe ngacmuesit dixhitalë.

Instagram, Facebook, Threads, Snapchat, YouTube, TikTok, Kick, Reddit, Twitch dhe X  do të zbatojnë ndalimin për fëmijët të cilëve u janë pezulluar llogaritë. Kryeministri australian Anthony Albanese e quajti zbatimin e vendimit të marrë një “ditë krenarie” për Australinë.

“Kjo është dita kur familjet australiane marrin përsëri pushtetin nga kompanitë e mëdha të teknologjisë. Ato po kërkojnë të drejtën që fëmijët të jenë fëmijë dhe që prindërit të jenë më të qetë “, tha Albanese.

Sipas ligjit, platformat duhet të vërtetojnë se kanë ndërmarrë “hapa të arsyeshëm” për të çaktivizuar llogaritë e përdorura nga persona nën 16 vjeç dhe për të parandaluar hapjen e llogarive të reja, ose do të përballen me gjoba deri në 32 milionë dollarë.

Përveç listës së faqeve të internetit të ndaluara ka platforma që nuk përfshihen në ligjin e ndalimit, të paktën për momentin. Këto janë Discord, Google Classroom, LEGO Play, Pinterest, Roblox, Steam dhe Steam Chat, WhatsApp dhe YouTube Kids .

LEXONI GJITHASHTU:

• Pas sulmeve në det, dy avionë luftarakë amerikanë fluturojnë në Gjirin e Venezuelës
• Vrau nënën e tij, ekzekutohet në Florida i dënuari me vdekje