Akuzat për ksenofobi ndaj emigrantëve, Japonia i përgjigjet Biden

Sekretari i qeverisë japoneze Yoshimasa Hayashi tha sot se pretendimet e presidentit amerikan Joe Biden se ekonomia e Japonisë nuk po rritet sepse Japonia është “ksenofobike ndaj emigrantëve” janë “të pasakta dhe për të ardhur keq”.

Hayashi shtoi se lidhjet dypalëshe të Japonisë me SHBA-në janë më të forta se kurrë dhe se Tokio do të përpiqet t’i bëjë ato lidhje edhe më të forta, raporton Reuters.

Të enjten, Biden përfshiu Indinë, Kinën dhe Rusinë në mesin e vendeve, ekonomitë e të cilave nuk po rriten sepse ata janë “ksenofobikë ndaj emigrantëve”, përfshirë Japoninë.

Rritja ekonomike e vendeve të kritikuara nga Biden do të ngadalësohet këtë vit nga 0,9 në 6,8 për qind krahasuar me vitin e kaluar, ndërsa SHBA do të ketë një rritje prej 2,7 për qind, sipas të dhënave të Fondit Monetar Ndërkombëtar, sipas Reuters.

Agjencia shton se rritja e SHBA-së është më e lartë se sa pritej dhe se shumë ekonomistë ia atribuojnë atë rritjes së fuqisë punëtore nga emigrantët.

LEXONI GJITHASHTU:

Kërcënimet e Kim Jong Un| SHBA, Koreja e Jugut e Japonia kryejnë stërvitje ushtarake

Analiza: Përballja Biden – Trump, historike në shumëçka