I burgosur në Hagë, 110 punime të Selimit shfaqen në muzeun kombëtar të Kosovës

Krijimtaria e ish-komandantit te UCK-se dhe ish deputetit te Kosoveq, Rexhep Selimi, është sjellë për publikun ne Prishtine përmes një ekspozite e cila përfshinë 110 piktura te realizuara në qendrën e paraburgimit ne Hage, ku edhe po mbahet  prej dy vjetësh.

Ato janë paraqitur për art-dashësit në hapësirat e Muzeut Kombëtar të Kosovës nën titullin ‘Ne gare me boten gri’ në shënim te 110 vjetorit të Pavarësisë të shtetit shqiptar.

Si lindi kjo ide e tregon bashkëshortja e Rexhepit, Shqipja.

“Sa herë që kemi lëvizur unë kam marrë pëlhura me vete, e kur jam kthyer i kam marrë të pikturuara. Për këtë festë vendosëm që Rexha të flasë me ekspozitë, të flasë me kombin e vet me bashkëqytetarët, përmes ekspozitës”- tha ajo .

E ndërsa tregon cila është gjendja shpirtërore e fizike e bashkëshortit dhe shokëve të tij, për të cilët beson se shume shpejt do kthehen të lirë në vendlindje.

“Rexha përveç pikturës po merret dhe me shkrime, po punon dhe me një roman. Ai është  artist në shpirt.”- theksoi Shqipja.

Krijimtarinë e mikut te tij erdhi ta vizitojë edhe bashkëluftëtari, Daut Haradinaj.

“Sa i përket pikturës, unë e mbaj mend që na ka ra me qëndruar ilegal për disa javë diku dhe shumicën e mureve, i ka pikturuar me motive kombëtare, me motive të luftës”- tha ai.

Hradinaj kërkoi angazhim me te madh te shtetit kunder Gjykates Speciale.

“Unë e di se ato do e fitojnë pafajësinë, por duhet me e fituar më shpejt e jo me prit, sepse është e padrejtë”- theksoi Haradinaj, bashkëluftëtar i Rexhepit.

Realizimi i kësaj ekspozite u bë e mundur edhe me mbështetjen e Ministrisë së Kulturës. Ajo do të jetë e hapur deri më 4 dhjetor.

LEXONI GJITHASHTU: 

• Udhëtimi ‘epik’ i 3 emigrantëve drejt Spanjës, 11 ditë në timonin e anijes-cisternë
• 500 njerëz u vranë gjatë ndërtimit të stadiumeve e metrosë, thotë zyrtari i Katarit
• PD ‘harron’ festën e Çlirimit, asnjë s’bëri homazhe te varrezat “Dëshmorët e Kombit”