I dashuri fshiu mesazhet nga telefoni i polices që u vetëvra, çfarë dyshohet

Endri Nika është i dashuri i 21-vjeçares Aldorjana Loshi, efektivja e policisë, e cila pasditen e djeshme i dha fund jetës me armën e shërbimit.

28-vjeçari u arrestua këtë të shtunë pasi dyshohet se ka fshirë mesazhet nga telefoni i saj.

Dyshohet që konflikti mes të tyre ka shtyrë efektiven drejt aktit ekstrem të vetëvrasjes.

Nika dyshohet se pasi ka gjetur të vetëvrarë efektiven Loshi, ka njoftuar menjëherë policinë, e më pas ka marrë telefonin e viktimës nga ku ka fshirë mesazhet që kishin këmbyer së bashku.

Njoftimi i policisë:

Në vijim të informacionit paraprak të dhënë ditën e djeshme, ku në rrugën “Todi Shkurti”, është vetëvrarë me armën e shërbimit shtetasja A. L., 21 vjeçe, punonjëse policie pranë Komisariatit të Policisë Nr. 5, specialistët për Hetimin e Krimeve të Komisariatit të Policisë Nr. 1, arrestuan shtetasin E. N., 28 vjeç, banues në Kamëz, për veprën penale “Veprime që pengojnë zbulimin e së vërtetës”.

Ky shtetas dyshohet se ditën e djeshme ka shkuar në banesën e shtetases A. L., dhe pasi ka njoftuar Policinë për ngjarjen e ndodhur, ka fshirë mesazhet me shtetasen A. L., në telefonin e saj.

Materialet i kaluan Prokurorisë.

LEXONI GJITHASHTU:

• E rëndë| Vetëvritet me armë zjarri policja 21-vjeçare në Tiranë
• “Tha se ishte në duart e djallit”, policja zbulon detaje nga vrasja e 32-vjeçares