I dënuar me mbi 10 vjet burg në Itali, arrestohet 29-vjeçari nga Mamurrasi me 3 emra

Forat operacionale në Policinë e Shtetit kanë arrestuar një 29-vjeçar të shpallur në kërkim, i dënuar me me mbi 10 vjet burgim në Itali, për 5 vepra penale të rënda.

Në kuadër të megaoperacionit “Sundimi i ligjit” dhe si rezultat i shkëmbimit të informacioneve ndërmjet Interpol Tiranës dhe Interpol Romës, u kap dhe u arrestua provizorisht, për t’u ekstraduar në Itali, shtetasi shqiptar, i shpallur në kërkim ndërkombëtar Alfons Taraj alias Afons Bibaj alias Alfons Cani,29 vjeç, lindur në Mamurras.

Gjykata e Monzas, Itali, me vendimin e datës 19.10.2023, e ka dënuar këtë shtetas, me 10 vjet, 2 muaj e 11 ditë burgim, për tentativë për vrasje, armëmbajtje pa leje, vjedhje me pasoja të rënda, vjedhje me dhunë dhe për posedim sendesh të vjedhura.

Interpol Tirana dhe Interpol Roma po bashkëpunojnë për të kryer ekstradimin e këtij shtetasi.

LEXONI GJITHASHTU:

• Më pak se 24 orë liri| Vodhi makinën sapo la qelinë, arrestohet i riu nga Pogradeci
• U lirua një ditë më parë pasi përftoi nga amnistia, arrestohet sërish Sokol Sinomati