I dënuar për kultivim të lëndëve narkotike, ekstradohet 31-vjeçari nga Italia

Një 31-vjeçar është ekstraduar nga Italia pasi ishte shpallur në kërkim ndërkombëtar nga autoritetet shqiptare i akuzuar për kultivim bimësh narkotike.

Sipas raportimeve, shtetasi K. H. akuzohet se në vitin 2019 ka kultivuar bimë narkotike në zonën e Martaneshit, Bulqizë.

Ndërkohë, ky shtetas ishte shpallur në kërkim ndërkombëtar sepse në vitin 2022, Gjykata e Dibrës e ka dënuar me 4 vite e 4 muaj burgim, për veprën penale “Kultivimi i bimëve narkotike”, nga e cila i kanë mbetur për të vuajtur edhe 1 vit, 6 muaj e 15 ditë burgim.

Specialistët e Seksionit për Hetimin e Krimeve në Komisariatin e Policisë Bulqizë kryen veprimet procedurale për ekzekutimin e vendimit penal.

LEXONI GJITHASHTU:

• Të shtëna dhe zjarr në kampin pro-qeveritar para parlamentit në Serbi, 1 i plagosur