I droguar në timon, arrestohet i riu që kryente manovra të rrezikshme me makinë

Policia ka  arrestuar një 25-vjeçar në Tiranë pasi është kapr duke kyer mnovra të rrezikshme me automjet  në rrugë, ndërkohë që ishte dhe nën efektin e lëndëve narkotike.

Policia bën me dije se i riu i identifikuar si B. K. është ndëshkuar dhe me masë administrative 60 000 lekë dhe pezullim të lejes së drejtimit për 24 muaj.

“Efektivët e Komisariatit Rajonal të Policisë Rrugore Tiranë, pas denoncimit nga qytetarët se drejtuesi i një automjet po bënte manovra të rrezikshme në rrugë, në bashkëpunim me shërbimet e Forcës së Posaçme “Shqiponja”, kanë organizuar kontrollet për lokalizimin dhe kapjen e drejtuesit të automjetit.

Pasi është ndaluar nga punonjësit e Policisë, drejtuesit i automjetit, shtetasi B. K., ka manifestuar sjellje të dyshimta në raport me kërkesat ligjore, dhe për këtë arsye i është nënshtruar testimit me aparatin drogëtestues AquilaScan. Pas testimit, 25-vjeçari ka rezultuar nën efektin e lëndëve narkotike”- njofton policia.

LEXONI GJITHASHTU:

• Video nga kamerat e trupit të policisë| Aksioni pas sulmit në shkollën në Nashville
• Drejtoresha e AKSHI-t, në Bruksel: Rruga e digjitalizimit, e pandërprerë e pakthim