I filmuan fshehurazi, Rusia dënon 4 persona për aktivitet ekstremist

Katër Dëshmitarë të Jehovait janë dënuar për aktivitet ekstremist dhe janë burgosur në Rusi javën e kaluar. Arrestimi i tyre u realizua pas regjistrimeve të fshehta me video nga spiunë që kanë depërtuar në seancat e tyre të lutjes.

Katër burrat iu bashkuan një liste prej rreth 220 personash që janë dërguar në burg në një goditje të madhe nga autoritetet ruse ndaj Dëshmitarëve të Jehovait që nga viti 2017, kur ata u ndaluan si një “organizatë ekstremiste”.

Gjykata Evropiane e të Drejtave të Njeriut vendosi në vitin 2022 se ndalimi i Rusisë ishte i paligjshëm, dhe në mënyrë të ngjashme është dënuar nga Komiteti i OKB-së për të Drejtat e Njeriut.

Oleg Postnikov, 61 vjeç, u dënua me gjashtë vjet e dy muaj në qytetin e Birobidzhan.

“Pas pothuajse një viti të plotë filmimesh të fshehta, FSB-ja (shërbimi i sigurisë) arriti të zgjidhte vetëm një numër të vogël takimesh që i konsideronin më ‘ekstremiste’, të cilat në fakt vërtetojnë se ne jemi njerëz të zakonshëm që i respektojmë të gjithë pa përjashtim”, thanë autoritetet.

Valeriy Tolmazov, 71 vjeç, Aleksandr Kostyuk, 53 vjeç, dhe Maksim Barbazyuk, 43 vjeç, u dënuan me nga gjashtë vjet secili në qytetin e Tverit.